自從有左個焗爐之後，完全沈醉左係焗…焗…焗世界，睇見小小豬對我自家制嘅蛋糕食得咁滿意，亦都係我嘅動力嚟嘅。
蛋糕就整得多，不過就完全唔敢接觸麵包，又要搓麵團又要發酵，好似難好多咁，所以一樣唔敢動手。剛好朋友仔問我有冇興趣去學整麵包，有得偷師就緊係想，所以就同埋小小豬去奇華工作坊學整肉鬆獅子包同埋吉士小雞包。今次老師教我地利用中種麵團整麵包，做出嚟嘅麵包會更加軟熟。
基本上小小豬全程都好落力，不過係最後唧朱古力醬做佈置嘅時候就完全將佢嘅創意發揮晒出嚟，所以明明係整獅子同小雞，點知最後.......(我都唔識形容了)，不過學老師話：創意嘅我地唔識啦，只要小朋友享受整嘅過程，佢自己又滿意，咁就已經好好啦！
????小小豬Kinsey????
? FB page：https://www.facebook.com/kinseymama/
? Blogger：http://www.kinseymama.com/
? IG：https://www.instagram.com/kinsey_mama/
? YouTube：http://www.youtube.com/c/小小豬Kinsey
